مرطبات شفاه طبيعيه و خاليه من الفازلين

استكمالا لموضوع الاسبوع الماضي و هو 

خطر الفازلين على الشفايف 

و ذكرت فيه راى دكتور اوز 

مرطبات شفاه 

النهاردة الموضوع هيكون ريفيو عن مرطبات الشفاه اللى استخدمتها و رأيي فيها

و الانواع اللى تحتوي على بتروليوم جلي (فازلين)

و الانواع الخاليه منه و الطبيعيه.

مرطبات تحتوي على  بتروليوم جلي ( فازلين ) :

مرطبات شفاه تحتوي على فازلين 

1. بالمرز زبدة الشفاه: تركيبه زبدة الكاكاو بنكهه الكرز و الشيكولاته الداكنه بتطغطي عالعبوه وبيطلع المرطب من فتحه صغيره، لونه شفاف، بيترطب كويس لكن عيبه اول مكون فيه هو الفازلين.

بالمرز زبده الشفاه 

دي صوره المكونات موجودة خلف العبوه اول مكون عليه دائره بالاسود هو الفازلين ، اتمنى تكون الصوره واضحه ، و عموما كل المطلوب منك هو قراءه المكونات قبل شراء اى مرطب شفاه و لو مش مكتوب عليه مكونات انصحك بلاش تشتريه .

 2. بالمرز زبدة الشفاه : كمان دة بالكرز و الشيكولاته الداكنه لكنه مختلف عن اللى قلبه ، بتلفيه من تحت وبيطلع ستيك ، فيه حمايه من الشمس 15 SPF  ، لونه احمر و بيعطي الشفايف لون احمر خفيف مع لمعه بسيطه ، و كان المفضل عندي الا ان المكون الاول فيه هو  (Mineral Oil (Paraffinum Liquidum يعني زيت معدني و هو احد منتجات تكرير النفط .

3. MANGO SEED LIP CARE : مرطب شفاه من فيس شوب ببذور المانجو ، عباره عن ستيك لونه احمر بيعطي لمعه ولون احمر لكنه اخف بكتير من مرطب  بالمرز ، ترطيبه كويس ، لكن المكون الاول فيه هو PETROLAUM  بتروليوم ( فازلين ) .

4. Marks and Spencer strawberry lip balm : مرطب شفاه بالفراوله من مارك اند سبنسر ، بيجي في علبه مدوره ، لونه احمر خفيف بيعطي لمعه و طعمه مزعج جدا شبه الدواء ، اول مكون فيه هو PETROLAUM  بتروليوم ( فازلين ) .

5. Labello lip butter vanilla &macadamia : مرطب شفاه لابيلو بالفانيليا و المكاديميا ، يعتبر اسوء مرطب جربته ، بيجي في علبه مدوره لونه ابيض تقيل جدا و مش بيرطب :( ، الميزه الوحيدة  فيه ان ريحته كويسه ، تاني مكون فيه هو Paraffinum Liquidum احد المشتقات النفطيه .

مرطبات  لا تحتوي على  بتروليوم جلي ( فازلين ) :

مرطبات شفاه طبيعيه و خاليه من الفازلين 

1. eso lip palm : مرطب بالنعناع الحلو من ماركه eos مكوناته طبيعيه و اول ثلاثه هما زيت جوز الهند ، زيت زيتون ، شمع النحل ، لقيت الماركه متوفره بالامارات في سوبر ماركت سبينس سعر المرطب بحدود 33 درهم لكن النوع اللى علبته مدوره مش الستيك .

2. BORN LIPPY :  مرطب بالفراوله من بودي شوب ، عباره عن ستيك لونه وردي و مش بيدي لون للشفايف ، ترطيبه خفيف ، لو بتعاني من جفاف شديد  مش هينفعك ، لكن انا بحب استخدمه قبل الروج المطفي لانه سريع الامتصاص و من بيغير شكل تركيبه الروج .


3. ليب بالم بودي شوب بالعسل : 

مرطبات شفاه طبيعيه و خاليه من الفازلين 

من افضل المرطبات اللى استخدمتها ، من مكوناته زيت بذور العنب ، ترطيبه قوي  و بيخلي الشفايف ناعمه لكنه من النوع التقيل شويه وبفضل وضعه ليلا قبل النوم او بعد تقشير الشفايف .

4. ليب بالم بودي شوب بالفراوله : بيجي في علبه مدوره لونه احمر خفيف ، بيدي الشفايف لمعه حلوة شبه الجلوس ، لكن لونه مش واضح اوي .

دي الانواع اللى استخدمتها و اكيد في انواع تانيه  في الاسواق خاليه من بتروليوم و لو مش متوفر عندك نوع كويس ممكن تستخدمي مواد طبيعيه زي اللى بالصوره تحت 

مرطبات شفاه طبيعيه و خاليه من الفازلين 

1. زيت الزيتون و ممكن ايضا عمل مقشر للشفاه منه باضافه كميه من السكر .

2. زيت جوز الهند مرطب طبيعي حلو جدا .

3. زبدة الكاكاو طبعا هي من اشهر المرطبات للشفايف .

كدة موضوعي خلص اتمنى يعجبكم و يكون مفيد 

ولو عندك استفسار او تجربه مع نوع كويس يا ريت تشاركوني بالتعليقات او بالانستغرام

لاني بستفيد من تجاربكم . 

لا احلل نقل صوري او مواضيعي بدون استئذان