تجربتي مع منتجات غارنية للشعر

السلام عليكم يا بنات

موضوع النهاردة عن تجربتي مع منتجات غارنية للشعر 

طبعا واضح من الصورة اني حبيت المنتجات دي 

وفي منها اكتر من واحد لانة بيخلص وبروح اشترية تاني .

وفية 3 اسباب رئيسية خلتني احبهم 

الاول : جودتهم كويسة 

الثاني : سعرهم معقول 

الثالث : انهم متوفرين في معظم الاسواق 

قبل ما أبدا هنــا تدوينه مفصله عن تجربتي مع شامبوهات 

مجموعه اولترادو 

المنتجات الجديدة 

التوصيف 

ULTRA DOUX

كريم تغذية مكثفة - يترك على الشعر 

بزيت الافوكادو وزبدة الشيا 

للشعر الشديد الجفاف او المجعد 

تركيبتة خالية من البرابين 

صنع في المانيا 

بيرطب الشعركويس  وبيشل الهيشان 

بدون ما يخلية ملزق 

ريحتة جوز هند مع ان مفيش في مكواناتة جوز هند 

هو ممكن يوضع على شعر مبلول او جاف 

بس انا بستخدمة على شعر جاف وبحط كمية قد حبة الحمص

وبوزعها على اطراف الشعر والباقي بحطة من فوق 

وكل الكريمات بستخدمهم بنفس الطريقة 

تاني منتج جديد 

التوصيف 

ULTRA DOUX

 شامبو لتجديد بنية الشعر 

بفوائد العسل 

للشعر التالف والصغيف

تركيبة خالية من البرابين  

صنع في مصر

الشامبو دة اشريت منة الحجم الصغيرفي الاول لانة حبيت اجربة 

وان شاء الله هشتري الحجم الكبير

لاني حبيتة جدااااااا

ومن كتر ما حبيتة خلصتة بسرعة 

اسرع علبة شامبو خلصت عندي 

لاني غالبا ببدل في الشامبوهات

يعني مش كل يوم بستخدم نفس النوع 

استخدمتة بدون بلسم وحسيت شعري مترطب مش محتاج 

معاة بلسم و لا حاجة 

وريحتة روووووووعة وباين فيها العسل 

عاليمين كريم مغذي بثلاث زيت 

زيتون وافوكادو وشيا 

للشعر الجاف والمتضرر 

صنع في المانيا 

 الثاني كريم عناية فائقة فورية 

بزيت فاكهة الاملا 

صنع في فرنسا 

الاتنين دول صورتهم مع بعض لانهم 

متشابهين في التاثير  والريحة 

كويسين بيرطبو الشعر ومش بيلزقو 

يعني تركيبتهم حفيفة عالشعر 

وريحتهم بناتي شبهة الحلويات بالموز 

بديل الزيت فية نفس الزيوت اللى في الكريم اللى فوق

زيت زيتون + افوكادو + الشيا 

صنع في فرنسا 

كمان دة حلو خلص واشترية تاني 

بيعطي الشعر لمعة حلوة 

دة بستخدم نفس الزيت يعني ممكن تحطية على الشعر بعد غسلة 

او قبل غسلة بكام ساعة لتغذية الشعر.

دة كمان بديل للزيت

للشعر المتجعد والصعب التمليس

بزيت الارز

النوع دة مناسبنيش حسيتة تقيل عالشعر وبيلزق شوية

هو مش مناسب للشعر الخفيف 

اعتقد هيناسب اكتر اللى شعرهم سميك وكيرلي جدا 

اخر منتج 

سبراي لتثبيت الشعر 

هو عبارة عن بخاخ جل 

ريحتة حلووووة

وبيعطي لمعة 

تثبيتة متوسط اللى عندي رقم 4 وفي لغاية رقم 6

هو مناسب للتسريحات الخفيفة 

بس لو هتعملي كيرلي وعايزة تثبتية هتتاجي مثبت اقوى 

وطبعا مش شرط ان المنتج اللى ناسبى يناسب غيري والعكس

انا اتكلمت عن تجربتي الشخصية حسب نوع شعري

اللي هو خفيف واطرافة جافة 

كدة الموضوع خلص اتمنى انة يعجبكم ويكون مفيد

لو عندك اى تعليق او استفسار اكتبيلي في تعليق هنا او الانستغرام هنا