السلام عليكم يا بنات
موضوع النهاردة يهم بنات كتيرة خصوصا المبتدئين في الميكب
كتير ممنا بتشوف صورة ميكب عيون حلوة على النت او في مجلة
وعند التطبيق بيطلع الشكل مختلف تماما
المفروض الاول نعرف شكل عينينا وطريقة الميكب اللى تليق عليها
الموضوع دة مخصص لشكل العيون المبطنة او الجفن المبطن
HOODED EYE
النوع دة لما بتبصي مباشرة للمرايه الجزء الفاضل من الجفن بيكون صغير
واوقات الجفن بينزل على العين نفسها .
ودي صور لبعض المشاهير امثله للعيون المبطنة
مشكلة العيون المبطة ان الجفن بيكون نازل عليها بيدي ايحاء انها تعبانة ونعسانة
والخطوات الجاية المفروض انها بتقلل من المشكله .
اول خطوة هتكلم عنها هي الماسكرا :
عشان تداري الجزء النازل من الجفون استخدمي مسكرا
تكثف وتطول الرموش
خصوصا عند الجزء الخارجي
هتفتح العين شوية وتخلي شكلها مصحصح
وبفضل كمان تستخدمي معاها اداة ثني الرموش .
الخطوة الثانية هي الايلاينر :
- ارسمي الايلاينر اقرب ما يمكن لخط الرموش عارفة الموضوع متعب بس هو محتاج شوية تدريب لانة لو اترسم عريض لما هتفتحي عينك هيكون غطا الجفن كله .
2 . تجنبي مد الايلاينر لبعد كسرة العين لما يتمد بيكون شكله مش ظريف وبيبان كسرة العين اكثر واحنا عايزين نداريها شوفي الصورة اللى تحت بتوضح فين توقفي الخط مكان السهم الاحمر.
 |
| ميكب للعيون المبطة |
ودي صورة لشكل الايلاينر وهو ممدود برة الكسرة شوفي موضحها ازاى
وشكله مش حلو
الخطوة الثالثة هي الايشادو :
1 . استخدمي على الجفن وكسرة العين ايشادو مطفي وتجنبي اللى فية شيمر او لمعة
لانه اللى فية لمعة هيعكس الاضاءة وهيلفت النظر للكسرة .
2 . عند وضع الايشادو حطية وزعيه على الجفن وفوق كسرة العين مش على كسرة العين والاحسن توزعية وانتي فاتحة عنيكي و وتبصي عالمراية وتدمجية كويس بفرشة دمج ,الصورة اللى تحت موضحة تقسمات العين احنا هنحط الشادو فوق المنطقة اللى مكتوب عليها the crease .
 |
| ميكب للعيون المبطة |
3 . حطي ايشادوغامق في الكسرة الخارجيه للعين ومدية شوية وموهييه او ادمجية بفرشة دمج .
4 . الضاءة تحت الحاجب تكون قريبة منة وتوضع بفرشة صغيرة لان لو نزلتي بلاضاءة تحت هيبان الجفن كانة فية انتفاخ .
 |
| ميكب للعيون المبطة |
الخطوة الاخيرة شوفي فيديوهات عاليوتيوب واعملي معاهم الخطوات عشان تتدربي
اكتبي في محرك البحث hooded eye
وهتطلع كل الفيديوهات المتعلقة بالعيون المبطنة .
 |
| ميكب للعيون المبطة |
اتمنى الخطوات دي تساعدكو
ويعجبكم الموضوع
ولو عندك اى استفسار اكتبولي في خانة التعليقات
او في حسابي عالانستقرام هنا
لا احلل نقل موضوعي بدون استئذان
No comments:
Post a Comment