تجربتي مع مكياج ميبيلين
 |
| مكياج ميبيلين |
ماركه ميبيلين من ماركات المكياج اللي بحبها جدا لعده اسباب :
- سعرها معقول .
- متوفره تقريبا في كل مكان زي سوبرماركت كارفور و لايف سايل و اوقات بيكون عندهم عروض يا اما خصم او تشتري اثنين والثالث هديه .
- منتجاتها متنوعه يعني مثلا الفاونديشن عندهم للبشره الدهنيه والجافه والاوراج في مطفيه وكريميه .
هبدأ الاول مع
الفاونديشن
 |
| مكياج ميبيلين |
SUPER STAY 24
سوبر ستاى24 , قوامه كريمي , تغطيته من متوسطه ~ كامله , وثباته ممتاااااااااااز
FIT ME anti-shine stick
انا فكرتي عن الستيك فاونديشن انه ناشف وخصوصا لو مخصص للبشره الدهنيه كنت متوقعه يكون ناشف جدا لكني انصدمت من نعومته و سهل جدا جدا في المدمج .
اخذت منه درجه اغمق درجه للكونتور رقمها 355 تنفع للبشرات لونها متوسط باندرتون دافي لكن لو بشرتك اندرتونها بارد وفاتحة ممكن اللون يقلب على برتقالي .
البودره
 |
| مكياج ميبيلين |
اللي عالشمال اسمها PURE STAY powder foundation
فيها حمايه 15SPF وهي من اكتر المنتجات اللى بحبها من عندهم خصلت منها تقريبا 3 علب بس للاسف وقفوها وبقت مش موجوده خالص وهي صناعه امريكيه .
كنت بشتريها من لايف ستايل في حدود 40 درهم .
التانيه اسمها CLEAR SMOOTH ALL IN ONE
فيها حمايه 25 SPF PA++
هي تقريبا نفس الاولي لكنهم غيرو التعليب ، تركيبتها تشبها ، ناعمه جدا وطريه ، بتشيل اللمعه الزيادة من غير ما تخلي شكل الوجه مغبر ، يعني من كتر ما هي ناعمه بتدي شكل طبيعي جدا .
تغطيتها كويسه اوقات بستخدمها لوحدها من غير فاونديشن بس يكون تحتها مرطب وكونسيلر بوزعها بفرشه ريل تكنيك او البيوتي بلندر الرطبه وبتكون ممتازه معاها .
وهي صناعه تايلانديه ، كمان متوفره في لايف ستايل و كارفور ب45درهم .
الكونسيلر
 |
| مكياج ميبيلين |
الاول عاليمين DREAM LUMI touch درجته 01 فاتحه جدا تنفع اضاءه كريميه تغطيته خفيفه ومش بيغطي الهالات لو غامقه ، متوفر في كل مكان ب40 درهم .
اللى بالنص FIT ME هو المفضل بالنسبه لي واكتر واحد ناسبني لانه كريمي وانا بشرتي مايله للجافه درجته 25 لونها جاي على مشمشي حلوه لتغطيه الهالات ، كمان متوفر في كل مكان ب40 درهم .
الثالث من مجموعه AGE REWIND درجته NEUTRALIZER لونها مايل للاصفر ، مش متوفر عندنا لو محتاجاه هتطلبيه اونلاين او من تاجره .
وكنت كاتبه مقارنه بالتفصيل عنهم بالرابط هنا .
الماسكرا
 |
| مكياج ميبيلين |
ميبلين مشهوره بماسكرات الحلوه جربت منهم اتنين بس .
عاليمين علبتها لونها أحمر اسمهاone_by_one .
فرشتها سيلكون وشكلها بيضاوي اتمنى تكون واضحة في الصوره ، شعيراتها في النص طويله و بتدرج لفوق و تحت وبتكون اقصر .
بتعطي طول وبتفرق الرموش حتى لو استخدمت ماسكرا ثانيه و كتلت معي بفكها بيها لانها ممتازه في تفريق الرموش و بتعطي شكل طبيعي ، و تنفع مع ميكب هادي .
طريقه ازالتها سهله باى مزيل و لا تحتاج مجهود و تنفع للاستخدام اليومي .
المسكرة الثانيه علبتها زرقاء اسمها the_rocket .
فرشتها من السيلكون عريضه و شكلها هرمي ، شعيراتها اقصر شويه من ون باي ون و طولها متدرج من فوق قصيره و تحت اطول .
بتعطي طول و كثافه للرموش ، لكن لازم تكون ايدك سريعة في وضعها، بمعني لا تضعي طبقه و تنتظري ⏳ بعدين تضعي الطبقه الثانيه لانها ممكن تكتل ، هي بتشف بسرعة عالرموش و هذه تعتبر ميزه لو انتي مستعجله .
ازالتها شويه صعبه عالرغم انها ليست مضاده للماء ، فهي لا تذوب مع المزيل مثل معظم الماسكرات بتتحول لقطع و بتكون لازقه في الرموش ولا انصح باستخدمها يوميا .
سعرهم في حدود 50~60درهم و متوفره في لايف ستايل و كارفور و سفير .
اقلام الكحل و الايلاينر
 |
| مكياج ميبيلين |
جل لاينر لونه بني رقمه 002
اكتر الوقت برسم بيه حواجبي ولونه ناسبني لانها غامقه وهو ثابت جدا ، العلبه عندي اكتر من سنه ولسه طري مش ناشف .
بستخدم الفرشه اللى بتجي معاه بحط خفيف واشيل الزياده في غطا العلبه بعمل بيها خطوط مع نفس اتجاه شعر الحاجب .
وبفضل مسح الفرشه بعد كل استخدام بزيت الزيتون لان لو نشف عليها بتصعب ازالته .
القلم التاني الصغير اللى بالصوره كان هديه مع ماسكرا ، سواده كويس وطري جدا لكنه بقصف بسهوله ، يعني هو خلص عندي من كتر التكسير مش من كثر الاستعمال :( .
 |
| قلم كحل |
COLOSSAL KAJAL
هو ايضا من المنتجات المشهوره عند ميبيلين
احلى حاجه فيه انه مش محتاج برايه بتلفيه من تحت وبيطلع اتوماتيك
سوداه حلو وثابت , بستخدمه على خط الرموش العلوي لكن مش بحطه داخل العين
لانه اللون الاسود بيصغرها .
ولو تحبي تعرفي الفرق بين شكل الكحل الابيض و الاسود داخل العين
شوفي الرابط التدوينه هنا .
الارواج
 |
| ارواج مبيلين |
هبدا باللى حبيتهم اكتر بعدين الاقل
Color Sensational Creamy Mattes Lipstick
اللي بالصوره تركيبتهم مات (مطفية ) بس مش النوع اللى يشقق الشفايف ، فيهم نسبة ترطيب .
الارواج نازلين الشتا اللى فات لكن للاسف مش متوفرة في الدول العربية
الالوان تجننننننننننننن ❤❤❤ الاسماء والارقام موضحة على الصور .
اول واحد من اليمين daringlynude لون لحمي وفية نسبة وردي حبيت اللون جداااا يعني هو دة اللون اليومي الطبيعي اللى كنت ادور علية
ينفع للبشرات الفاتحة والمتوسط مع ميكاب ناعم او سموكي .
اللون الثاني touch_of_spice وقعت في غرامة اول ما شفتة من جمالة مش قادرة اوصفة لكن هحاول
هو وردي ولا فاتح ولا غامق مع اندرتون بني
شوفت اسواتش له على بنات بشرتهم فاتحة وغامقة وكل الحالات كان اللون عليهم رووووعة .
الاخير divine wine لونة احمر توتي
حلو للمناسبات والشتا ينفع للبنات بشرتهم متوسطة وغامقة .
اشتريتهم من موقع اونلاين الواحد في حدود 30 درهم وده لينك الموقع .
وكود الخصم 2da222
 |
| روج مبيلين |
النوع التاني
colour sensational lipstick
رقمه 140 INTENSE PINK
نوعه كريمي ،ثباته متوسط زي معظم الارواج الكريمية
لونه لحمي على وردي فاتح بيعطي لمعة بسيطة للشفاه بدون شيمر مناسب للصباح و البشرات الفاتحة الاندرتونها دافي او طبيعي
وعموما الارواج اللى لونها لحمي شكلها حلو وطبيعي لكن يجب اختيارها بدقه لان لون اللون فاتح بزيادة بيكون شكلة سئ جدا ويبين البشرة شاحبة .
 |
| مكياج ميبيلين |
ليب جلوس
COLORSsensetional SHINE GLOSS
130FUCHSIA FLASH
لونه ودري فاتح حلو اوي بيدي الشفايف لمعه حلوه وفيه شيمر خفيف
و ريحته كمان حلوه ،بستخدمه لوحدة للوك هادي و ناعم او فوق الروج .
الثاني روج SUPER STAY14 HR
رقمه 210 MAUVE TOUJOURSG
لونه موف روعه وفيه شيمر فضي ، ثباته كويس جدا ومش بيطبع ،
لكن عيبه ناشف عالشافيف ،احتمال لان الدرجه دي فيها شيمر ، هو مش بيشقق عالشفايف ، لكن لما بحطه مش بيكون سلس في وضعه ، عموما لو بتحبي الارواج المطفيه انصحك بمجموعه
Maybelline Color Sensational Bold Matte Lipsticks
الوانها مطفيه وممتازه ، ثباتها اقل شويه ، لكنها كريميه و انعم عالشفايف .
 |
| مكياج ميبيلين |
اخر منتجين اللى بالصوره
وللاسف لم يناسبوني
فوق صوره روج له جهتين واحدة فيها روج سائل والثانيه مرطب شفاف
لونه وردي وفيه شيمر وعيبه ان يشقق على الشفايف
تحت صوره قلم تحديد شفايف
superstay ice beige ، هو ثابت ومشكلتي معه في اللون مش التركيبه ، لانه بني باندرتون رمادي و فيه شيمر فضي ، لونه غلط عليا ، لكن ممكن يكون كويس مع بنات تانيه .
وعموما مش شرط المنتجات اللى تناسبني تناسب غيري و العكس طبعا .
كدة موضوعي خلص اتمنى يعجبكم
واسفه لو طولت عليكم لكني حبيبت اكتب تجربتي كامله مع المنتجات
لو عندك اى سؤال او استفسار اكتبيلي في التعليقات تحت او في حسابي بالاستغرام .
لا احلل نقل مواضيعي او صوري بدون اسئذان
وللاسف لم يناسبوني
فوق صوره روج له جهتين واحدة فيها روج سائل والثانيه مرطب شفاف
لونه وردي وفيه شيمر وعيبه ان يشقق على الشفايف
تحت صوره قلم تحديد شفايف
superstay ice beige ، هو ثابت ومشكلتي معه في اللون مش التركيبه ، لانه بني باندرتون رمادي و فيه شيمر فضي ، لونه غلط عليا ، لكن ممكن يكون كويس مع بنات تانيه .
وعموما مش شرط المنتجات اللى تناسبني تناسب غيري و العكس طبعا .
كدة موضوعي خلص اتمنى يعجبكم
واسفه لو طولت عليكم لكني حبيبت اكتب تجربتي كامله مع المنتجات
لو عندك اى سؤال او استفسار اكتبيلي في التعليقات تحت او في حسابي بالاستغرام .
لا احلل نقل مواضيعي او صوري بدون اسئذان
No comments:
Post a Comment