السلام عليكم
بعد طول غياب رجعت لكم بتدوينه
عن روتيني المسائي للبشره
قبل ما اتكلم عن الروتين احب اوضح
نوع بشرتي ، هي عاديه مايله للجفاف
من المشاكل اللى فيها مسام واسعه
في منطقه الخد و الجبهه .
هتكلم بالتفصيل اكثر عن كل منتج
و تأثيره على بشرتي ، مع العلم
ان المدوامه هي اهم حاجة عشان
تظهر النتائج ، و الروتين ده مش بياخد
اكثر من خمس دقائق قبل النوم.
1 - NUXE Face cleaning and and makeup removing gel .
اللى جربته في الفتره الأخيره و ناسب بشرتي
جدا ، هو غسول نوكس للبشره الجافه و الحساسه
بالعسل و زهره دوار الشمس ، خالي من الصابون
و البرابين ، بينظف البشره كويس جدا و يزيل
الميكب الخفيف و مش بينشف البشره ، حبيته
جدا و هو من المنتجات اللى لو خلصتها اكيد
هرجع اشتريه تاني .
2 - NUXE Gentle toning lotion
كمان من نوكس للبشره العاديه الى الجافه الحساسه
خالي من الكحول و البرابين ، خفيف هالبشره
و ريحته حلوه لان من مكوناته ماء الورد .
3 - NUXE Smoothing eye contour cream
لاني مشفتش عنه ريفيوهات كثير لكنه ممتاز 👍
هو تركيبه خفيفه و شبه سائله و بيمتص بسرعه
و ترطيبه حلوه جدا لمنطقه حول العين .
4 - OPTILASH Serum
فرشته تشبه الايلاينر ، نتايجه لاحظتها بعد
اسبوعين و بعد شهر بقت احسن ، بيساعد جدا
و تطويل الرموش و بيدي كثافه للشعرياه نفسها
من المنتجات اللى انصح بيها لو محتاجه تطويل
الرموش و بالنسبالي ده افضل من مافالا .
و ممكن قريب اعمل مقارنه بينهم .
5 -NIP + FAB Glycolic serum
بالجليكوليك اسيد للتقليل
مِن مظهر الخطوط الرفيعه و المَسام الواسعه ،
و يحتوي على الالوفيرا لتنعيم و تهدئة البشره
السيرم ملمسه يشبه الجل و لونه شفاف
ضغطه واحده منه كافيه لكل الوجه و الرقبه
، ريحته غريبه شوي لكن بتخف بسرعه .
بستخدمه من ثلاث أسابيع تقريبا مره واحده
في الليل ، و لاحظت نتيجه جيده جداً 👍 في التقليل
من مظهر المسامات الواسعه خصوصا في منطقه الخد.
6 - FARM STAY green tea whitening water cream.
قاعدته ماء فهو خفيف عالبشره
من مكوناته بذور الشاي الاخضر
المعروف بفوائده المضاده للاكسده و التفتيح
و مكون تاني مفيد جدا للبشره هو النياسيناميد
ده محتاج تدوينه خاصه بيه لكن باختصار
هو بيساعد على ترابط الخلايا و تماسكها
و احتفاظ البشره بالرطوبه .
بالنسبه للتفتيح فأنا بستخدمه على وجهي
و الايد و لاحظته اكثر على مفاصل الصوابع
بقت مترطبه و لونها افتح مع الاستمرار عليه .
الكريم متوفر أونلاين عند Jamalek store
تم ❤
اتمنى التدوينه تعجبكم و تكون مفيده
و لمتابعه كل ريفيوهاتي الجديده
تابعي حسابي عالانسغرام archnoka@
مقال رائع. من أفضل المنتجات كذلك لعلاج البشرة الجافة يعتبر استخدام الغسول بتركيبته الناعمة التي تنظف البشرة بلطف دون أن تجففها، مما يجعله مناسبًا للاستخدام اليومي. كما يساعد الغسول على إزالة الأوساخ والشوائب من البشرة وإزالة الزيوت الزائدة منها.
ReplyDelete