تجربتي مع منتجات سيباميد

السلام عليكم 

تدوينــــــــة اليوم عن منتجات سيباميد 

و تجربتي معاها 

سيباميد ماركه مستحضرات عنايه ألمانيه

للكبار والصغار و منجاتها خاليه من الصابون

وبتعتمد على درجه الحضومه المناسبه للبشره وهي 5.5

وغالبا تلاقي على منتجاتهم درجه PH

اول منتج هتكلم عنه هو شامبو ضد القشره

Sebamed anti-dandruff shampoo 

الشامبو لونه شفاف وريحته شويه غريبه

خالي من الصابون و المواد القلويه 

يعتبر كويس للفروه الدهنيه اللى بتطلع فيها قشره 😠

تاثيره بيبدأ يظهر بعد اسبوعين ثلاثه

لكته زي معظم شامبوهات القشره بيجفف الشعر شويه.

المنتج الثاني هو زيــــت للأطفال

Sebamed skin care oil

هو متوفر عندهم مجموعه كامله للعنايه بالاطفال
جربت منها الزيت و المناديل بس لاسف المناديل خلصتها و نسيت اصورها
انا بالنسبه للزيت يعتبر زيت خفيف مناسب للاستخدام بعد الاستحمام
وبيرطب الجلد ، وخالي من البرابين و المواد الحافظه 

المنتج الثالث هو كريم حمايه من الشمس

Multi Protect Sun Cream

هو كريم حمايه 50 SPF و UVA , UVB
يعني فيه حمايه من الاشعه فوق البنفسجه الضاره اللي بتسبب شيخوخه الجلد 
و بيحتوي على فيتامين ه و ب5 ومقاوم للماء
على الرغم من مميزاته دي الا انه للاسف معجبنيش ابد 
لانه تقيل و صعب الفرد و بيسيب اثر ابيض 
دة غير اني من ساعه ما اشترتيه والعلبه مش بتتقفل كويس 
مش عارفه اذا كانت دي مشكله في التعليب او عندي بس
لكني حاولت معاها كتير لكن مفيش فايده 

المنتج الرابع غسول نسائي

Feminine Intimate Wash pH 3.8

ده من المنتجات اللى عجبتني جدا ،
بخلصها و ارجع اشتريها ثاني .
 متوفر منه تقريبا نوعين 
نوع عادي و نوع لفتره الحمل 
و درجه الحموضه بتاعتهم مختلفه دة PH 3.8
والثاني PH 6.8المنتج خالي من الصابون و المواد القلويه 
العبوه فيها ضغاط و سهله الاستخدام  

تم ❤

لا تنسو متابعتي على حسابي بالانسغرام archnoka@