السلام عليكم
تدوينه اليوم عن طريقه لاستغلال الاثاث القديم
و باقل التكاليف
كـــــان عنــــدي خزانــــــه ادراج وخشبــــــــها ضعيــــف جـــــدا
وكــــــل الادراج اتكســــــــــــــرت ، فقررت اتخلــــــص منــــــها
وبالفعل رميــــت الادراج ، لكن الهيكل الخارجي كان تقيــــــل جدا
ومحتاج مساعده في شيله ، ففضل مركون عندي بالمطبخ فتره طويله
وطبـــعا بدات كل كراكيـب البيت تتراكـــم فيه ، والمنظر كان بشـــع
فإما اني كنت ارميه او احاول ارتبه ، فتوكلت على الله و بدات ارتبه
لـــو تحبـــي تعرفي الطريقه تابعــــي معايــــا التفاصيـــل عالصــور
دة شكل خزانه الادراج بعد ما شلت منها كل الكراكيب
و بعدين فكيت سير الادراج لانه مش هحتاجه
اشتريت مساند لرف كان عندي من ايكا وكان مركون للاسف
فقلت استغله مؤقتا ، و المساند هتلاقيها متوفره في محلات الادوات
المنزليه ، انا اشترتها من كارفور و سعرها رخيص
الصوره دي بتوضح الشكل بعد ما ركبت المساند
وهنا حطيت الرف عالمساند لكن بدون ما اثبته بمسامير
لانه مؤقت ، وطبعا الحاجات اللى فوق الرف هتكون خفيفه
و ده الشكل النهائي بعد ما رتبت المكان
فوق الرف حطيت المناديل اللى كانت عامله ازمه الاول في تخزينها
وصندوقين غلفتهم بالجلاد و الغرا العادي و متوفرين بالمكتبات
وتحت حطيت صندوقين حجمهم اكبر لتخزين الحاجات اللى حجها كبير
اشترتهم جاهزين و سعرهم رخيص
و بالجانب صناديق قديمه عندي غلفتها بالجلاد و الغرا
لو بتحبي افكار الترتيب شوفي تدويناتي السابقه
طريقه استغلال الاثاث القديم الجزء الاول الرابط هنـــا
ترتيب غرفه النوم بطريقه سهله و موفره الرابط هنـــــا
طريقه سهله وجميــــــله لترتيـــب الادراج الرابط هنـــا
اتمنى التدوينه تعجبكم و تكون مفيده
في انتظار آراكم و تعليقاتكم الجميله
ولاتنسومتابعتي عالانسغرام archnoka@ ليصلكم كل جديد
No comments:
Post a Comment