ثلاث طرق لشعر أكثر كثافه

تدوينــــــــة اليوم

عن طرق لاعطاء الشعر شكل اكتر كثافه

يعني لو شعرك خفيف و بتعاني في عمل تسريحه 

مناسبه ليه

الطرق و المنتجات اللى هتكلم عنها جربتها 

بنفسي وكانت نتائجها ممتازه 

1 - استخدام سبراى لكثافه الجذور (Root Boost Spray )

طريقه استخدامه : يرش على جذور الشعر و هو نظيف و رطب 

بعدين يدلك باطراف الاصابع وبعد كده نشفي شعرك عادي .

وظيفته : يعطي الشعر حجم و شكل اكثر كثافه 

لكن عيب سبراى اورجانيكس  انه بينشف الشعر 

فممكن تجربي بديل له من ماركه ثانيه مثل لوريال ،غارنيه 

،ويلا او ترسيمي.

2 - تجفيف الشعر في عكس اتجاه نموه

صوره من النت

الطريقه اللى بتجففي بيها شعرك بتفرق كثير في شكله
فلما تستخدمي مجفف الشعر خلي راسك لتحت

صوره من النت

و لو الحركه دي مش مريحة بالنسبالك
جففي شعرك للامام او لفوق عكس اتجاه نمو الشعر .

صوره من النت

وطبعا لو تقدري تعملي تسريحه شعرك فيها تموجات

بتعطي شكل اكثر للشعر 

3 - استخدام بودره الياف للشعر (Hair Building Fibres  )

هي عباره عن بورده تحتوي على الياف للتكثيف 

طريقه أستخدامها : ترش على جذور الشعر 

بعدين انتظري دقيقه ووزعيها باطراف الاصابع.

ميزته : لانه ملون فبيملى الفراغات اللى بتظهر في فروة الرأس
كمان بيحتوي على الياف بتعطي شكل كثيف للشعر

وازالته سهله جدا بيروح مع غسيل الشعر

ملاحظه : الطرق و المنتجات اللى ذكرتها هي تجميلية
مش علاجيه بمعني انها مش بتزود عدد الشعر لكنها بالتاكيد
بتعطيه حجم و شكل اكثف 😉


اتمنى التدوينه تعجبكم و تكون مفيدة
لو عندك اي استفسار او سؤال
اكتبيلي تحت ⬇ ⬇ بالتعليقات
او على حسابي بالانسغرام archnoka@