ايسنس اقلام تحديد الشفاه

اهلا و سهلا بيكم عزيزاتي في مدونه ArchNoka

من اسبوع تقريبا مر سنه على انشاء المدونه الحمد لله

و بحب اشكرمن كل قلبي متابعاتي على تشجيعهم و دعمهم لي

تدوينه اليوم هتكلم فيها عن محدات الشفاه من ايسنس .

ايسنس هي ماركه اوربيه و اسعارها رخيصه و جودتها كويسه 
جربت منها عده منتجات في اللى عجبتني جدااااا  وفيه اللى  كان إممممم .........
اقلام تحديد الشفاه من المنتجات اللى عجبتني جدا
جودتها بالنسبه لسعرها 
ممتااااازه بمعنى الكلمه 
و تكلمت عنهم سابقا في تدوينه افضل خمسه اقل من عشره هنا 
سعر الواحد 8 درهم ، تركيبتهم ناعمه جدا و طريه ، سهله الفرد عالشفايف 
و حبيبت حركه ان لون القلم من بره نفس لون المحدد من الداخل 
و كمان اتوماتيك بيطلع باللف مش محتاج برايه 
المجموعه اسمها essence longlasting lipliner
نازل منها 9 الوان عندي منهم 6 

اول واحد 

02 sweetheart 

 لونه  بارد وردي على فوشيا، حلو خصوصا للبنات اللى بشرتهم فاتحه 

و يمشي مع الميكب الهادي .

04 peach beauty 

 

اسمه معبر عن لونه ( جمال الخوخ ) ، دة من اكتر الالوان اللى حبيتها في المحددات

لونه رووعه مشمشي دافي ، مناسب جدا للصيف ، حتى اني الصيف اللى فات تقريبا 

مكنتش بستخدم غيره من كتر حبي فيه ، من الاوان القليله اللى حسيت ان انعكاسها بيدي نضاره و اشراقه لوجهي ، لانه لون ربيعي و مبهج و فاتح يعني باختصار ممتااااز .

05 lovely frappuccino

لونه بني على موف ، يعتبر من الالوان اللحميه كانه لون الشفايف بس احلى :)

ده اشتريته قريب من حوالي شهر لكنه اصبح من الالوان المفضله عندي .

 06 a girl's dream

 ترجمه اسمه (حلم الفتاه) لونه بناتي اوي احمر فاتح على نبيتي او عنابي،

من الالوان اللى اعتقد انها تليق على كل البنات ، و بيطلع حلو على كل درجات البشره .

07 plum cake

كلمه plaum لما تلاقيها اعرفي انه اللون بيكون درجه من درجات البنفسجي 

القلم لونه بنفسجي بارد باندرتون رمادي ،

لونه كان طالع موضه جدا بالشتا اللى فات ، لو بتحبي الدرجات دي من الالوان اكيد هيعجبك .

08 girl next door

لونه بني فاتح باندرتون رمادي ، يعتبر من الاوان اللحميه او البيجات 

من اقل الالوان اللى عجبتني حسيته مش مناسب لي 

لونه فاتح بزياده بيخلي شكلي كاني مريضه 

ممكن يناسب اكتر البنات اللى بشرتهم فاتحه جدا 

و صوره السواتش اللى تحت بتبين الفرق بينه وبين رقم 5

الاتنين لونهم لحمي لكن في فرق في درجه اللون 

بكدة تكون التدوينه خلصت 

اتمنى تنال اعجابكم و تكون مفيده 

انتظروني في تدوينه جديده عن باقي منتجات ايسنس اللى جربتها

لا تنسو متابعه المدونه عن طريق الايميل ليصلكم كل جديد

و لوعندك اى استفسار او تعليق اكتبيلي بالتعليقات هنا او بالانستاغرام على

 @archnoka