السلام عليكم يا بنات
تدوينه النهارده عن فرش زويفا وطريقه الطلب من الموقع
 |
| فرش زويفا Zoeva |
قبل ما تطلبي من الموقع الاول تحضري حاجتين هما :
- بطاقه دفع الكترونيه ( فيزا ) و بفضل تكون من النوع اللى بتعبيها فلوس فبل الطلب وملهاش علاقة باى حساب بنكي .
- حساب بالباى بال و طريفته سهله , بس بتملي بيانات البطاقه وتحطي ايميلك .
وبعدين تدخلي موقعهم وتختاري اللى محتجاه تدوسي buy و في الاخر بتتجمع في سله المشتريات .
 |
| فرش زويفا Zoeva |
تدخلي البيانات المطلوبه والعنوان بالكامل و الايميل
 |
| فرش زويفا Zoeva |
وبيطلب بيانات حسابك في الباي بالي و بعد ما تخلصي بيجي ايميل ياكد عمليه الشراء .
وعموما الطلب من الموقع نفسه سهل جدا وبسيط لكن للاسف كان في مشاكل في الشحن هي :
- كنت متوقعه الشحنه توصل عن طريقDHL لكنها لما دخلت البلد اتنقلت على البريد العادي .
- الشحنه كان المفروض توصل خلال اسبوعين لكنها اتحجزت في الجمارك حوالي شهر لدرجه اني فقدت الامل فيها .
- لما وصلت مكنتش عليها او على الورق معاها رقم التليفون مع انه مهم جدا، و كنت كاتباه مع البيانات .
 |
| فرش زويفا Zoeva |
و الحمد لله و بعد طول انتظار وصلت الفرش و كانت مغلفة كويسه بس هي اتفتحت في الجمرك .
ملاحظه : في بعض البلدان بتدفعي مبلع اضافي للجمارك عند وصول الشحنه .
 |
| فرش زويفا Zoeva |
فرش العيون جت مع شنطه لونها اسود من بره و فوشيا من جوه ، عجبني شكلها .
 |
| فرش زويفا Zoeva |
مجموعه فرش العيون مكونه من 6 فرش اسمها
CLASSIC EYE SET
 |
| LUXE SOFT DEFINER 227 |
أول فرشه اللى فوق بالصوره
227 LUXE SOFT DEFINER
فرشه لدمج الايشادو شكلها من تحت بيضاويه ومن فوق منفوشه شويه و قصتها متدرجه باستداره خفيفه مكونه من شعر طبيعي و صناعي و ممتازه للون الانتقالي في كسره العين و شكلها بتكون المفضله عندي .
 |
| LUXE SMOKY SHADER 234 |
الفرشه الثانيه
234 LUXE SMOKY SHADER
فرشه لعمل لوك سموكي شكلها من تحت شبه مستطله ومن فوق قصتها كانها نص دائره وهي مناسبه لتوزيع الايشادو على كامل الجفن او لدمج الايشادو على خط الرموش السفلي .
 |
| LUXE PETIT CREASE 231 |
الفرشه الثالثه
231 LUXE PETIT CREASE
شكلها من تحت مدوره ومن فوق متدرجه بالطول من كل الجهات ومن النص مدببه شويه مكونه من شعر طبيعي بتعمل خط اوضح للايشادو عند كسره العين بتحدده اكتر ، و بتدي عمق للعين لما تستخدمي لون غامق .
 |
| BROW LINE 322 |
الفرشه الرابعه
322 BROW LINE
هي للحواجب عريضه و شعرها قصير وقصتها من فوق عالمايل ، ناشفه شويه تنفع لمنتجات الحواجب الكريميه او الباودر ، بالنسبه لحواجبي تعتبر كبيره فبستخدمها لوضع الايشادو على خط الرموش السفلي .
 |
| فرش ايلاينر |
اخر فرشتين بالمجموعه مخصصين للايلاينر
317 WING LINER
الفرشه شعرها من النايلون رفعيه اوي و مشطوفه عالمايل ، بتسهل مد الايلاينرووضعه على خط الرموش ،تستخدم مع الجل لاينر او البودر .
315 FINE LINER
دي كمان من النايلون ورفيعه اوي تشبه فرشه انجلوت كنت عملت عنها ريفيو هنا ،لكن الفرق ان فرشه زويفا ماسكتها مايله فبتسهل التحكم في وضع الايلاينر وعمل الخط بدقه .
 |
| LUXE FACE DEFINER 101 |
واخر واحدة هي فرشه وجه اخدتها منفصله مش مع مجموعه اسمها
101 LUXE FACE DEFINER
شعرها طبيعي و ناعمه ، شكلها من تحت مدوره ومن فوق منفوشه شويه و من فوق بتدرج في الطول من كل الجهات بشكل بيضاوي ، لها اكتر من استخدام ممكن تنفع لتوزيع البودره المضغوطه او الحره ، و لعمل كونتور ناعم ، وتوزيع البرونزر ، و تثبيت الكونسيلر بالبودره .
اتمنى التدوينه تنال اعجاكم وتكون مفيدة
ولاتنسوني في دعواتكم
لو عندك اى استفسار اكتبلي في التعليقات تحت او في حسابي على الانستغرام هنا
لا احلل نقل مواضيعي او صوري بدون استئذان
No comments:
Post a Comment