Wednesday 4 November 2015

ريفيو بلاشر باليت من بنفت BENEFIT CHEEKY SWEET SPOT box o' blushes

ريفيو بلاشر باليت من بنفت 
BENEFIT CHEEKY SWEET SPOT
box o' blushes


مدونه النهارده عن باليت من بنفت مكونه من خمس بلاشرات واضاءه وبرونزر وتحتوي على فرشه صغيره .
الباليت ليمتد ايدشن يعني يتنزل لمدة محددة وكانت نازله وقت الكريسماس السنه اللى فاتت 
والسنه دي منزلين باليت شبيه لها عشان كدة نزلت الريفيو 
الاول هتكلم عموما عن الباليت بعدين هتكلم بالتفصيل عن محتوياتها 

بنفت
ريفيو بلاشر باليت من بنفت  BENEFIT CHEEKY SWEET SPOT box o' blushes

  • صحيح ان الباليت نازله لفتره محددة لكن محتوياتها متوفره طول السنه من بنفت ودة اللى شجعني اعمل ريفيو عنها 
  • بالنسبه للسعر تعتبر ممتازه لان مثلا برونزر هولا بيتباع لوحدة في حدود 145درهم في حين ان  الباليت كلها سعرها 200درهم وفيها هولا وخمس بلاشرات و اضاءه , صحيح ان حجمهم اصغر بس حاجة بسيطه عن المنتج العادي وفي نفس الوقت انتي بتجربي الوان مختلفه .
  • اول ما جربتها حسيت الوان البلشرات بتظهر بصعوبه ومش ظاهره اوي , لكن بعد فتره تقريبا لما اتشالت الطبقه السطحيه من عليهم اصبحت الالوان واضحة وسهله الدمج , ماعدا لونين كانو من اول استخدام حتى الان واضحيين جدا والوانهم ممتازه هما HOOLA و DANDELION .  

دلوقتي هتكلم عن كل منتج بالتفصيل 

                      1 . بلاشر DANDLION
  • دي صوره علبته من النت وكميته 7.0g


بنفت
بنفت


  • زي ما شايفين في اول صوره هو افتح لون في الباليت , وانا بشتريها كنت شبه متاكده ان اللون دة مش هيناسبني ابدا لان شكله فاتح جدا وانا لون بشرتي فاتحه مائله للمتوسطه .

بنفت
ريفيو بلاشر باليت من بنفت  BENEFIT CHEEKY SWEET SPOT box o' blushes


  • هو لونه وردي باندرتون بارد مع شيمر ذهبي خفيف جدا ومع التوزيع الشيمر بيكون غير واضح .
  • كميته في الباليت 4.0g  و صناعته امريكيه .
  • انطباعي عنه : الصراحه اول مره جربته اتفاجئت  !! لكن كانت مفاجأه حلوه يعني اللون من اول استخدام بيطلع في الفرشه ويندمج بكل سهوله , صحيح اللون فاتح لكن واضح , لونه شكله طبيعي جدا عليا , بيعطي نفس اللون الوردي الفاتح للخدود لما تيقى بشرتي نضره  هو لونه رووووعه , وزي ما شايفين في صوره السواتش ان من كتر الاستخدام الاسم اتمسح تماما وتقريبا قربت اخلصه من كتر ما حبيته و غالبا هشتريه تاني لما اخلصه .
2 . بلاشر BELLA BAMBA

  • صوره العلبه من النت و حجمه 8.0g

بنفت
بنفت

  • صورتي للسواتش 
بنفت
ريفيو بلاشر باليت من بنفت  BENEFIT CHEEKY SWEET SPOT box o' blushes


  • لونه  وردي متوسط ( بطيخي ) مع شيمر ذهبي .
  • كميته في الباليت 5.0g و صناعته امريكيه .
  • انطباعي عنه : اول كام مره كان اللون بيطلع بصعوبه بس بعد كدة بقى واضح و سهل الدمج , وهو يعتبر لون حلو كبلاشر واضاءه في نفس الوقت لان اللون الذهبي فيه بيعكس الاضاءه بطريقه ناعمه  ومناسب للبشرات الفاتحه ~ المتوسطه .


3 . بلاشر SUGARBOMB 


  • صوره العلبه من النت و حجمه 12.0g 

بنفت
بنفت



  • صورتي للسواتش 


بنفت
ريفيو بلاشر باليت من بنفت  BENEFIT CHEEKY SWEET SPOT box o' blushes


  • كميته في الباليت 6.0g و صناعته امريكيه .
  • هو عباره عن اربع الوان مع بعض , مشمشي  ,بنفسجي فاتح باندرتون بني , و درجتين من الوردي واحد بانرتون بارد والتاني دافي وكلهم فيهم شيمر ذهبي .
  • انطباعي عنه : لما بخلط الاربع الوان مع بعض بيطلع لون مشمشي فاتح مع  لمعه ذهبي , اعتقد هيكون مناسب للبشرات الفاتحه جدا ~ الفاتحة , لان معايا حسيته فاتح وينفع  اكتر كاضاءه من انه يكون بلاشر .


4 . برونز HOOLA

  • صوره العلبه من النت و كميتها 8.0g و سعره 145 درهم .
بنفت
بنفت

  • صورتي للسواتش 
بنفت
ريفيو بلاشر باليت من بنفت  BENEFIT CHEEKY SWEET SPOT box o' blushes


  • كميته في الباليت 5.0g و صناعته امريكيه .
  • يعتبر من اشهر منتجات بنفت والصراحه انه يستاهل الشهره دي .
  • لونه بني متوسط طبيعي يعني ولاهو مايل للرمادي المغبر ولا للبرتقالي , لونه بين الاتنين ودة الحلو والمميز اللى فيه .
  • لان لونه طبيعي فهو مناسب جدا للكونتور .
  • انطباعي عنه : حبيته جدا للبرونزر و الكونتور وغالبا لما يخلص هتشري منه تاني .

5 . CORALISTA بلاشر 

  • صوره العلبه من النت وكميته 8.0g .

بنفت
بنفت

  • صورتي للسواتش 
بنفت
ريفيو بلاشر باليت من بنفت  BENEFIT CHEEKY SWEET SPOT box o' blushes
  • كميته في الباليت 5.0g  و صناعته امريكيه .
  • لونه في العلبه شكله رووعه مشمشي دافي باندرتون وردي مع شمير ذهبي .
  • انطباعي : مع ان اللون شكله روعه لكن لاسف الشديد خيب ظني لان   لما بحطه اللون بيختفي و بيظهر فقط اللمعه الذهبي , فحاليا بستخدمه كاضاءه على عظمه الخد او بحطه فوق اي  بلاشر مطفي عندي ليعطي لمعه  , و عشان مظلموش هو ممكن يكون مناسب للبنات اللى بشرتهم فاتحه جدا فيبان اللون المشمشي , لكن معايا اللون بيدمج مع لون بشرتي وبيكون غير واضح.



6 . بلاشر ROCKATEUR .

  • صوره العلبه من النت وكميته 5.0g و سعره 145 درهم .
بنفت
بنفت

  • صورتي للسواتش 

بنفت
ريفيو بلاشر باليت من بنفت  BENEFIT CHEEKY SWEET SPOT box o' blushes


  • كميته في الباليت 5.0g ودي نفس كميته في العلبه لو بتشتريه لوحده , وصناعته فرنسيه .
  • لونه مزيج بين الوردي والبني باندرتون دافي مع شيمر ذهبي .
  • وهو كمان يعتبر من البلشرات المشهوره من بنفت .
  • انطباعي : لونه حلو ومتوسط  مناسب حتى للبشرات الداكنه شويه و بيعطي الخدود لون وردي دافي مع لمعه ذهبيه ومش محتاج استخدم معه اضاءه , بس لانه شويه غامق فبيحتاج شكل معين للمكياج عشان يليق عليه . 
7  . اخر منتج اضاءه WATT'S UP 

  • صورته من النت  وكميته 9.4g  و سعره 150 درهم .

بنفت
بنفت


  • صورتي للسواتش 
بنفت
اضاءه بنفت


  • كميته في الباليت 1.5g وصناعته ايطاليه .
  • المنتج موجود لوحده في علبه صغيره و ممكن تفصل وتطلع من الباليت .
  • الاضاءه كريميه وتتحول لباودر لونها بيج لؤلؤي .
  • انطباعي : الاضاءه لونها حلو و بتعطي لوك ناعم تنفع مع المكياج الصباحي الهادي اما لو حاطه مكياج تقيل هتحتاجي اضاءه اوضح .


كدة الموضوع خلص اتمنى انه يكون ممتع ومفيد ولو عندك اى استفسار اكتبيلي في التعليقات او على الانستجرام هنا 



لا احلل نقل مواضيعي او صوري بدون استاذان 

No comments:

Post a Comment

Subscribe

Flickr