تجربتي مع منتجات بالمرز arch noka

السلام عليكم 

موضوع النهارده عن تجربتي مع منتجات بالمرز

هو كان مشاركتي في مسابقة في منتدي

ودي صورة المجموعة اللى عندي 

بالمرز

و هتكلم عن كل منتج بالتفصيل

كريم بالمرز

1- كريم شد الصدر هو مكتوب علية انة بيشد الجلد ويحسن قوامة 

وخالي من الباربين والفثالات ومختبر طبيا 

انا استخدمتة بعد ما فطمت بنتي بس الصراحة محستش بتحسن اوي والكريم خلص بسرعة 

هو تركيبتة زي الجل والبشرة بتمتصة بسرعة جدا ودي ميزة كويسة 

ممكن اكون اتاخرت في استخدامة بس دي تجربتي معاة بكل امانة 

كريم شد الجلد

2- لوسيون شد الجلد بعد الولادة 

دة استخدمتة لما كنت حامل بس مكنتش عارفة الفرق بين الكريمات اوي 

عموما المناطق اللى دهنتها لاحظ ان تقريبا مظهرش فيها خطوط بيضا 

بالنسبة لشد الجلد كان فية تحسن بس مش اوي 

لاني بعد الولادة بنزل خلال اسبوع حوالي 15 كيلو

اعتقد الموضوع عندي محتاج اكتر من مجرد كريمات 

هو ريحتة زبدة كاكاو خالص 

وتر كيتة وسط يعني مش تقيل اوى ولا سائل زيادة عن اللزوم 

3- بالمرز تركيبة زبدة الكاكاو 

دي بقى اكتر حاجة حبيتها وندمت اني مستخدمتهاش من الاول 

لاني حسيت بتحسن كبير في الخطوط البيضا اللى ظهرت عندي في الاماكن اللى اهملتها وانا حامل 

هي عبارة عن زبدة وبتدوب في حراراة ايدك اثناء الدهن 

ريحتها زبدة كاكاو زى اللوسيون اللى فوق 

والحلو كمان فيها ان مكونتها معظمها طبيعية ومفيدة زي : خلاصة بذور الكاكاو , زبدة كاكاو , زيت اللوز الحلو , كولاجين متحلل, فيتامين ه , زيت الكرنيل , زيت الافندر 

وهي كمرطب رووووعة حتى لو معندكيش علامات تمدد انصحك بيها

ولو انتي حامل استخدميها من الشهر الخامس

4- كريم بالمرز

دة ترطيبة تحفففففففففففة بيرطب حلو اوي

كويس للركب والاكواع والمناطق الجافة عموما 

هو مش صلب زي الزبدة بس سماكتة عالية 

وريحتة زي الاتنين اللى فوق زبدة كاكاو 

5- بالمرز تركيبة زبدة الشيا

دة سماكتة اقل من اللى فوق

وريحتة مختلفة عنهم كأنها فانليا او ورود مش متاكدة بس هي ريحة حلوة 

وترطيبة يعتبر كويس 

العلبة الصغننة دي جت هدية مع الكبيرة اللى فوق وحلوة للشنطة والسفر 

6- ليب بالم بالمرز (مرطب الشفايف )

بطعم الشكولاته الغامقة والكرز

دة كنت مترددة وانا بشترية لانة بالشوكولاتة الغامقة وانا مش من هواتها 

بس لما جربتة طلع تحفة كأني حاطة حاجة حلوة على شفايفي بس من غير مرارة الشوكولاتة الغامقة 

بترطب كويس وفيها فيتامين E

وحماية من الشمس SPF15

وبتدي الشفايف لون احمر خفيف ولمعة طبيعية حلوة 

7- غسول الاطفال

 هو خال من البرابين والفثالات وضد الدموع 

مكتوب علية انة بزبدة الكاكاو وزبدة الشيا بس هو ريحتة شبة بودرة جونسون 

المنتج نفسة كويس بس مشكلتي معاة في التعليب يعني الاطفال بيحبو حاجات ملونة وعليها اشكال ودة شكل العلبة بتاعتة عادية جدا 

كدة انا خلصت الموضوع اتمنى انة يعجكم ويكون مفيد 

           واى استفسار اكتبيلي في التعليقات او في الانستغرام

هنا