السلام عليكم
تدوينة النهاردة عن استخدمات الكحل البيج (اللحمي ) والفرق بينة وبين الكحل الابيض والاسود
انا فضلت سنين بستخدم بس اللون الاسود وفي الاخر اكتشفت انة مش بيليق على شكل عيني وحسيت بفرق كبير لما استخدمت الوان افتح ودة اللى شجعني اعمل الموضوع دة خصوصا للبنات المبتدئات ان ممكن بخطوات بسيطة تفرق معاهاوتبان شكل العين احلى وأوسع .
الاول هذكر 3 خطوات بسيطة عشان يطلع الكحل الابيض او البيج احلى :
1- اتجبي استخدامهم لوحدهم لان هيبان شكل العين باهتة جدا .
2- استخدمي ماسكرا على الرموش .
3- حطي لون بني او اسود خفيف على خط الرموش السفلي .
هتكلم دلوقتي عن استخدمات الكحل البيج (اللحمي
1- الاستخدام الاساسي هو على خط الرموش السفلي .
2- تحديد الحواجب بعد رسمها عشان يبان شكلها مرتب اكتر .
3- استخدامة كاضاءة على عظمة الحاجب .
4- تنظيف خط الايلاينر لو حسيتي انك بعد ما رسمتية محتاج تظبيط .
5- استخدامة على حدود الشفايف وطبعا مع الحرص على وضعة بطريقة ناعمة وخفيفه لو هيناسب لون بشرتك .
6- استخدامة ككونسيلر لاخفاء البقع الصغيرة الغامقة لو لونة مناسب لبشرتك .
الفرق بين الابيض واللحمي والاسود
وطبعا الكحل الابيض ممكن يستخدم نفس الخطوات اللى فوق ماعدا اخر اثنين لانة فاتح فممكن يبرز العيوب اكتر على البشرة .
اللون الابيض ممكن يستخدم فوق العين ومن كام سنة كان منتشر جدا دلوقتي في بنات بتعملة لكن على خفيف من وجهة نظري الرسم باللون الابيض بيحتاج دقة شديدة ونوع الكحل نفسة لازم يكون ثابت وواضح .
اللون البيج يفضل استخدامة مع ميكب خفيف وهادي بالصباح هيعطي العين شكل اوسع لكن الابيض هيبان شكلة مش طبيعي over .
اللون الابيض لو استخدم بطريقة صحيحة مع ميكب سموكي هيبان احلى وهيبرز العين .
اما اللون الاسود بالنسبة للعيون الضيقة مش مناسب ابداهيبينها اضيق واصغر.
وطبعا مش معنى كدة ان كل البنات تبطل نحط كحل اسود لانة مناسب للعيون البارزة والكبيرة يعني لو مناسب شكل عينك وبيبرز لونها استخدمية براحتك
المهم انك تشوفي الشئ اللى يناسبك .
اتمنى التدوينة تعجكم وتكون مفيدة
لو عندك اى تعليق اكتبيلي هنا او في الانسغرام هنا
No comments:
Post a Comment