روتين المساء للبشره الجافه

السلام عليكم 

بعد طول غياب رجعت لكم بتدوينه

عن روتيني المسائي للبشره

قبل ما اتكلم عن الروتين احب اوضح 

نوع بشرتي ، هي عاديه مايله للجفاف 

من المشاكل اللى فيها مسام واسعه

في منطقه الخد و الجبهه .

هتكلم بالتفصيل اكثر عن كل منتج 

 و تأثيره على بشرتي ، مع العلم 

ان المدوامه هي اهم حاجة عشان

تظهر النتائج ، و الروتين ده مش بياخد

اكثر من خمس دقائق قبل النوم.

1 - NUXE Face cleaning and and makeup removing gel .

اول خطوه في الروتين هي غسول الوجه
اللى جربته في الفتره الأخيره و ناسب بشرتي
جدا ، هو غسول نوكس للبشره الجافه و الحساسه
بالعسل و زهره دوار الشمس ، خالي من الصابون
و البرابين ، بينظف البشره كويس جدا و يزيل
الميكب الخفيف و مش بينشف البشره ، حبيته
جدا و هو من المنتجات اللى لو خلصتها اكيد
هرجع اشتريه تاني .

2 - NUXE Gentle toning lotion

الخطوه اللى بعد الغسول هي التونر
كمان من نوكس للبشره العاديه الى الجافه الحساسه
خالي من الكحول و البرابين ، خفيف هالبشره
و ريحته حلوه لان من مكوناته ماء الورد .

3 - NUXE Smoothing eye contour cream 

كريم العين من نوكس الصراحه تفاجأت بيه
لاني مشفتش عنه ريفيوهات كثير لكنه ممتاز 👍
هو تركيبه خفيفه و شبه سائله و بيمتص بسرعه
و ترطيبه حلوه جدا لمنطقه حول العين .

4 - OPTILASH Serum 

سيرم الرموش استخدامه سهل جدا
فرشته تشبه الايلاينر ، نتايجه لاحظتها بعد
اسبوعين و بعد شهر بقت احسن ، بيساعد جدا
و تطويل الرموش و بيدي كثافه للشعرياه نفسها
من المنتجات اللى انصح بيها لو محتاجه تطويل
الرموش و بالنسبالي ده افضل من مافالا .
و ممكن قريب اعمل مقارنه بينهم .

5 -NIP + FAB Glycolic serum 

الخطوه قبل الاخيره هي سيرم مقشر
بالجليكوليك اسيد للتقليل
مِن مظهر الخطوط الرفيعه و المَسام الواسعه ،
و يحتوي على الالوفيرا لتنعيم و تهدئة البشره
 السيرم ملمسه يشبه الجل و لونه شفاف
ضغطه واحده منه كافيه لكل الوجه و الرقبه
، ريحته غريبه شوي لكن بتخف بسرعه .
بستخدمه من ثلاث أسابيع تقريبا مره واحده
في الليل ، و لاحظت نتيجه جيده جداً 👍 في التقليل
من مظهر المسامات الواسعه خصوصا في منطقه الخد.

6 - FARM STAY green tea whitening water cream. 

الخطوه الاخيره هي ترطيب البشره بكريم
قاعدته ماء فهو خفيف عالبشره
من مكوناته بذور الشاي الاخضر
المعروف بفوائده المضاده للاكسده و التفتيح
و مكون تاني مفيد جدا للبشره هو النياسيناميد
ده محتاج تدوينه خاصه بيه لكن باختصار
هو بيساعد على ترابط الخلايا و تماسكها
و احتفاظ البشره بالرطوبه .
بالنسبه للتفتيح فأنا بستخدمه على وجهي
و الايد و لاحظته اكثر على مفاصل الصوابع
بقت مترطبه و لونها افتح مع الاستمرار عليه .

الكريم متوفر أونلاين عند Jamalek store

تم ❤

اتمنى التدوينه تعجبكم و تكون مفيده
و لمتابعه كل ريفيوهاتي الجديده
تابعي حسابي عالانسغرام archnoka@