انواع بيبي كريم من غارنيه

الســـــلام عليــــــــكم

ازيكم يا بنات وحشتوني جدا

كل عــــام وأنتُم بخير بمناسبه عيد الاضحى المبارك

و آسفه لو إتاخرت عليكم في التدويــــن بسبب ظروف سفري

بما ان موضوع تجربتي مع منتجات غارنيه للشعرهو الاكتر مشاهده على المدونه

الرابط هنــا

حَبيت اكتب موضوع جديد عن منتجات جربتها مِن غارنيه

هي البي بي كريم

هما منزلين اربع انواع للبشره جربت منهم ثلاثه

ونوع خامس للعين كتب عنه في حسابي بالانستاغرام

الرابط هنــــــــا

بي بي كريم غارنيه

الثلاث انواع اللي عندي درجتهم (لايت ) فاتح لكنهم مختلفين في اللون يعني افتحهم هو النوع المخصص للبشره الدهنيه  

اول نوع هبدا بيه هو

 بيور اكتف بي بي كريم(PURE ACTIVE BB CREAM)

بي بي كريم غارنيه

يحتوي على 2% حمض الساليسيليك 
فية حماية من الشمس SPF15
التغطية : خفيفة ~ متوسطة 
تركيبتة : كريميه و أفضل طريقه لتوزيعه عن طريق الأسفنجه ، لما جربت الفرشه او أطراف الأصابع كان بيخطط وصعب الدمج ، لكن مع البيوتي بلندر أفضل بكتير  
الفنش : مطفي (مات ) وبيبان طبيعي عالبشرة 
وكنت بستخدمة بدون بودره 
اللون : اللى عندى درجته فاتح وغامقه عليّا شويه

وانا بشرتي فاتحه مائله للمتوسط فلو انتي بشرتك افتح مش هيناسبك

هيكون غامق بزياده  

 نوع البشرة : مكتوب علية للبشرة المختلطة الى الدهنية 
تعاني من شوائب انا بشرتي عاديه  مائلة شوية للجفاف و فيها شوية حبوب اللى لاحظتة انة في تحسن و بدأت تخف شوية بس طبعا كنت بليل بستخدم 

علاجات موضعية لها

مع الاستمرار في استخدامه 

بشرتي يقت اصفي و افتح

وده تقريبا بسبب حمضالساليسيليك

اللى بيعمل على تقشير البشره على خفيف   

الثبات : بعد كام ساعة حوالي 4~5 ساعات البشرة بتمتصة ويبدأ يختفي 

من عليها ولما بمسحة في نهاية اليوم بيطلع حاجة بسيطة في القطن

النوع الثاني 

بي بي كريم للبشره المختلطه الى الدهنيه

GARNIER / Miracle Skin Perfector /

BB Cream / COMBINATION TO OILY SKIN / LIGHT 

 

بي بي كريم غارنيه للبشره الدهنيه

كان صديقي اثناء السفر في فتره الصيف لانــه :

ü          يحتوي عل حمايه من الشمس SPF20.

ü          ترْكيبته خفيفه عالبشره و مش بيسيب اثر دهني لانه خالي من الزيوت .

ü          و اكثر ميزه عجبتي فيه توزيعه و دمجه سهل جداً بأطراف الاصابع ومش محتاج فرشه او أسْفنجه لوضعه ،فيُعتبر مناسب جدا لو انتي مُبتدِئه او مسافره لانه هيختصر في الوقت ، و زي ما عرفين في  السفر مش كل ادواتك وفُرشك بتكون موجوده و جاهزه للاسخدام دائما .

ü          ترْكيبتُه بتجف بسرعه بعد دمجه بحوالي دقيقه وبتدي شكل مطفي و غير دهني و بالنسبه لنوع بشرتي مش بحتج بودره لتثبيته .

ü          بالنسبه لدرجته زي ما قولت في الاول عندي 3 انواع من و كلهم فاتح (لايت) لكن الوانهم مختلفه و افتحهم هو النوع المخصص للبشره الدهنيه و اكثر واحد ناسبني لان الباقي غامقين على بشرتي . 

تغطيته خفيفه ~ متوسط و بتدي شكل طبيعي . 

ثباته متوسط 4~6 ساعات حسب درجه حراره الجو . 

الكريم تركيبته سائله جدا فكوني حذره لما تفتحي الغطا تكون فتحه العبوه لفوق عشان ممكن ينقط عليكي  .

النوع الاخير

بي بي كريمللبشره الجافه

DILY ALL-IN-ONE B.B. CREAM

بي بي كريم غارنيه

 هو مش مكتوب عليه انه مخصص للبشره الجافه

لكنه اكتر واحد  مرطب فيهم  و بيدي لمعه للبشره

و يحتوي على فيتامين سي و حمايه من الشمس 15SPF

المفروض هو اكتر نوع يناسب بشرتي

لكني للاسف مستخدمتوش كتير ومش قادره احكم عليه اذا كان

كويس او لأ لان درجته غامقه عليّا

العبوه فيها 50مل صنع في المانيا

اتمنى التدوينه تكون مفيده 

ولمتابعه كل ريفيوهاتي و  مواضيعي الجديده

تابعوني على حسابي بالانستغرامarchnoka@