العنايه بالشعر المصبوغ

السلام عليكم 

تدوينه اليوم عن ثلاث طرق بسيطه 

للعنايه بالشعر المصبوغ بلون فاتح  

التدوينه هتكلم فيها عن المنتجات اللى حسنت من شعري المصبوغ

وفرقت معاه من خلال تجربتي معاهم 

الشعر بعد الصبغه بيحتاج ترطيب وعنايه ،لان اوقات الصبغه بتسببله جفاف

اول منتج هو زيــــت جــوز الهند العضوي

زيت جوز الهند

طريـــــقه استخدامي لــــه : قبل ما اغســـــل شعري بســــاعه تقريبـــــــا 

بوزع كميه بسيطه منه حوالي 20 مل على كامل الشعر وبدلك فروه الراس بيه

بيجعل شعري ملمسه ناعم جدا و طري و ريحته النوع ده خفيفه و بتروح مع

غسيل الشعر بالشامبو ،و طبعا معروف ان مش كل الزيوت بتناسب كل انوع الشعر 

وزيت جوز الهند منهم يعني مكمن يكون ممتاز مع بعض البنات زي ما كان معي

وممكن يسبب تساقط للبعض ،هو يعتبير مناسب اكتر للشعر الضعيف الرفيع

اللى بيعاني من نقص البروتين ،اما الشعر السميك ممكن يناسبه اكتر زيت الجوجوبا

واكيد لو بتعاني حساسيه من المكسرات انصحك تبعدي عنه

لكن زي ما قولت هو بالنسبه لتجربتي معاه و بالنسبه لنوع شعري كن مناسب جدا 

المنتج الثاني هو صبغه بنفسجي

صبغه بنفسجي

لو صبغه شعرك لونها فاتح بعد فتره من الغسيل بيبدأ يظهر اللون البرتقالي للاسف

وعلاج المشكله دي هو  استخدام الشامبو البنفسجي او 

اضافه الصبغه البنفسجي لاي بلسم عندك لونه ابيض

وتركها عالشعر لمده ربع او ثلث ساعه 

ميزه الصبغه دي انها تعتبر اوفر بكتير من الشامبو البنفسجي

سعرها ارخص و بتفضل فتره اطول لاني بضيف كميه بسيطه منها للبسلم

ومهم جدا انك تستخدمي كميه بسيطه منها عشان لون شعرك مايصبغش

للازرق او الاخضر 

صوره من النت

ودي صوره بتوضح لون الشعر قبل وبعد اضافه اللون البنفسجي

طبعا واضح عالشمال اللون مائل جدا للبرتقالي قبل الصبغه

المنتج الثالث شامبو الشعر المصبوغ من ذى بودي شوب

شامبو بودي شوب

الشامبو طبعا هو اكثر منتج بنستخدمه لشعرنا فضروري نختاره كويس

الشامبو من مجموعه رين فوريست وميزته انه 

خالي من السلفات فمش هيأثر على لون الصبغه 

وخالي من السيلكون اللى اتكلمت عن اضراه   هنـــا 

وخاليه من البرابين و الملونات 

المجموعه متوفر منها شامبو و بلسم و زبده للشعر 

انا جربت الشامبو و الزبده لكن البلسم لسه ناويه عليه

قريب ان شاء الله ، وعموما تجربتي مع الشامبو كانت

ممتازه ، وبالاضافه انه ريحته حلوة جدا جايه على فواكه

كده انا خلصت اتمنى التدوينه تعجبكم و تكون مفيده

لو عندك اى سؤال او استفسار اكتبيلي بالتعليقات

او على حسابي بالانسغرام archnoka@


لا احلل نقل صوري او موضوعي بدون استئذان