Thursday, 15 October 2015

ريفيو وتجربه جهاز إزاله الشعر بالليزر تريا

السلام عليكم ورحمه والله
بوست اليوم هو 
ريفيو وتجربتي مع جهاز الليزر المنزلي تريا 
tria hair removal laser 4x
الجهاز عندي تقريبا من 8 شهور 
محبتش اكتب عنه اول ما اشتريته عشان اقدر اكون رأى نهائي .
الجزء الاول من الموضوع هيكون ريفيو والثاني تجربي مع الجهاز .
  • جهاز تريا في الامارات متوفر في معظم الصيدليات , سعره بتراح بين 3000 ~ 2500 درهم حسب الموديل .
  • انا طلبته من citruss وقت خصومات كان ب 2200 درهم تقريبا .
  • هو جهاز ليزر  ومعتمد من وزاره الصحه الامريكيه مش نبض ضوئي IPL .
  • الاول دة شكل العلبه من بره .


  • زي ما شايفين في الصوره الجهاز بيجي معاه شاحن وكتيبات صغيره فيها شرح لطريقه الاستخدام .



  • دي صوره من الكتيب فيها صوره لعدد الضربات التقريبه لكل مكان طبعا مش شرط تعملي نفس العدد اللى مكتوب .


  • وهنا موضح درجات البشره اللى ممكن تستخدم الجهاز يعني اذا فاتحة بيكون آمن واذا غامقه لا , وعموما هو فيه لوك من تحت بتحطيه على البشره و اذا كان لونها آمن بيفتح وبشتغل عادي واذا اللون غامق و غير آمن مش هيفتح .





  • ودي تحذيرات لو بتفكري تشتري الجهاز لازم تقريها  كويس , بخصوص الحمل والرضاعه والاماكن الغير امن استخدام الجهاز فيها و الحروق والاماكن الغامقه .




استخدام الجهاز :



  • الاول قبل ما تستخدميه لازم تكوني شايله الشعر بالموس و يفضل تعمليه في نفس اليوم او قبلها بساعه , لو بتعملي شيفنج لاول مره في الغالب هتحسي بحكه وممكن البشره تلتهب , حاولي تستخدمي كريمات تخفف الالتهاب والحكه .
  • الجهاز في اول استخدام هتشحنيه وهياخد وقت حوالي ساعتين .
  • بعد ما تشغلي الجهاز بحوالي 3 دقايق هتسمعي صوت المروحه , عادي استمري هي بتشتغل عشان تبرد الجهاز .
مستويات الجهاز :


  • من خلال تجربتي المتسويان 1و2 تاثيرهم ضعيف جدا في تقليل الشعر .
  • المستوي الثالث بيخفف الشعر لكن تاثيره بياخد وقت اطول وجلسات اكتر .
  • الرابع والخامس طبعا افضل ومن الجلسه الثانيه بيكون فيه تاثير ملحوظ , لكن المستوي الخامس تاثره اقوى .

الشعور بالالم :


  • اول مره مقدرتش استحمل اكتر من المستوى الثالث حتى مع استخدام المخدر اللى في الصوره , المخدر تاثيره مش قوي يعني بيخفف الالم شويه لكن مش لدرجه اني بحس بالضربات , وطبعا المستويات وقوه تحملها تختلف  من شخص لاخر وحسب المكان المستخدم فيه .
  • المستوي 1و2 الالم خفيف والثالث متوسط و الرابع والخامس بيوجع جدا .
  • المخدر متوفر في الصيدليات , وسعره 30 درهم .

نتائج جهاز تريا :
  • انا استخدمته في الاول لمدة 3 شهور , مرتين في الاسبوع , وقلل الشعر بنسبه 60 % تقريبا .
  • بعد شهرين عملت جلستين والشعر قل بنسبه 80%  و الشعر المتبقى اصبح خفيف ( يعني الشعره نفسها سمكها اصبح اقل من الاول ) .
  • الاماكن اللى استخدمت عليها المستوى الرابع والخامس خفف الشعر بنسبه 80%.
  • الاماكن اللى استخدمت عليها المستوى الاول والثاني خفف الشعر بنسبه 10% .
  • الاماكن اللى الشعر فيها سميك كانت النتائج افضل واسرع من الاماكن اللى الشعر فيها رفيع (مع نفس المستوى ) .

المميزات والعيوب :
  • الميزات اولها انه بيخفف الشعر , بيوفر وقت ومجهود الذهاب للعيادة وبيجنبك الاحراج في كشف مناطق من جسمك  .
  • عيوبه ان عشان تحصلي على نتائج افضل بتضطري تستخدمي المستوي الخامس وهو بيألم جدا .

  • العيب الثاني ان عدسته صغيره زي ما شايفين في الصوره , يعني لو بتعملي مساحة كبيره هتاخد وقت طويل و غالبا هتحتاجي تشحنيه تاني لمدة ساعتين .
 كدة انا خلصت اتمنى الموضوع يعجبكم ويكون شامل ومفيد ولو عندك اى استفسار اكتبيلي في التعليقات او في الانستجرام هنا .

لا احلل نقل موضوعي او صوري بدون اسئذان .

No comments:

Post a comment

Subscribe

Flickr